....*مفاجـــــأة....* ```` خبر هام..... سار جدا جدا```

[x_gomgom]

انا شايف ان سعرها تنافسي و دا اللي بجد لفت انظار ناس كتير لان في عربيات صيني زي ال frv سعرها على بطريقه فلكيه (اول دفعه كانت ب 71,000 و الان في اواخر ال 80) و بالتالى ناس كتير صرفت نظر.....
دا مش تقليل من شأن byd بالعكس هي كقيمه اعلى من سعرها الفعلي بس عشان تمسك مكان في السوق لابد يحافظوا على سعرها و يا ريت السعر يثبت و ميعلاش بالطريقه الفلكيه اللي بنشوفها في السوق المصري لاي عربيه بتحقق نجاح و بيببقي عليها اقبال....
تقبلوا فائق احترامي

[Usama Nagi]

يا ريت فعلا سعرها يثبت

[Adhmawy]

طب واللى عايز أتوماتيك يعمل إيه؟؟
هل فيه صينى أتوماتيك بالتوازى مع المصرى و لا خلاص بح؟؟؟
و إذا كان خلاص طب اللى معاه أتوماتيك لو حصل فيه حاجة يعمل إيه؟؟؟

[mido90]

انا شفت العربية و الصراحة التافيل و الفينيش زبالللللللللة
انا اتصدمت بصراحة

[mimo4019]

انا شفت العربية و الصراحة التافيل و الفينيش زبالللللللللة
انا اتصدمت بصراحة

ممكن حضرتك توضح شفتها فين وايه اللي وحش في التقفيل

[ahmed1981]

بأمانة العربية دي سعرها حيعلي أكيد بعد فترة صغيرة جدا والأيام بيننا

أنا سعيد جداً بالسعر الجديد
لأول مرة أحس إن المواطن هيستفيد بتجميع سيارة في بلده
أحيي التوكيل على هذا الفكر الراقي

ورغم إحساسي إن السعر هيزيد
إلا إني لا أتمنى ذلك

[islamelesswi]

السلام عليكم و رحمة الله و بركاته ومساء الخير على الجميع ,اليوم مساءا ذهبت مع زميل لى فى العمل لمعاينة byd f3 التجميع المحلى وطلب منى مقارنتها بسيارتى byd f3gli 2008 ذهبنا الى معرض صغير أسمه ميدو على شارع بورسعيد كليوبترا بالأسكندرية يعرض السيارة وأحب أقولكم أننى بصراحة كنت خايف و أنا رايح من تقفيل العربية ولكننى فوجئت بالتشطيب الممتاز للعربية وجودة الدهان ووجدت السيارة مطابقة للتقفيل الصينى عدا البطارية سائلة وليست جافة وطبعا مصرى علشان نسبة التصنيع المحلى والشىء الذى لم يعجبنى هو الكراسى الجلد بتاعة العربية ناشفة جدا وفارقة كتير عن الصينى وياريت الشركة تعالج الموضوع ده لأن ده تخيلوا هو السبب الوحيد الى حايخلى زميلى ميشتريش العربية. عدا ذلك العربية زى الفل وأنشاء الله أنا متوقع خير ودى شهادة من واحد راكب العربية منذ6/9/2008 ويارب ده يكون رد على الأستاذ الذى علق على موضوع الفنش.

[x_gomgom]

السياره فعلا لا غبار عليها و يا ريت سعرها يثبت (يا رب عشان بجد ناوي اغير)...
دعواتكم يا رجاله

[sv065]

السياره فعلا لا غبار عليها و يا ريت سعرها يثبت (يا رب عشان بجد ناوي اغير)...
دعواتكم يا رجاله

يــــــــــــــــارب

[sv065]

طب واللى عايز أتوماتيك يعمل إيه؟؟
هل فيه صينى أتوماتيك بالتوازى مع المصرى و لا خلاص بح؟؟؟
و إذا كان خلاص طب اللى معاه أتوماتيك لو حصل فيه حاجة يعمل إيه؟؟؟

هو فيه طبعا بس الوكيل عاوز الأول يبيع إنتاجه المانيوال اللي متجمع هنا
واللي معاه أتوماتيك مفيش ضرر كبير عليه لأنها نفس المانيوال الفرق في الفيتيس فقط والفتيس الأوتوماتيك ياباني 100% من إنتاج شركة jatco اليابانية المعروفة التي تزود معظم السيارات اليباني الأوتوماتيك بالفتيس وهو نفس الفيتيس المركب في الميتسوبيشي لانسر فالموضوع ليس بمشكلة كبيرة وأعتقد إن الوكيل سوف يطرح منها ولكن ليس الفترة الحالية

[ahmedaliamer]

يعني الBYD بالإمكانيات دي والسعر ده هتكون منافس عنيد جدا للساجا وخاصة إن

عندها ميزه جامدة جدا غير موتورها وإمكانياتها وهي إن ال BYD في مصر من

2007 وأثبتت نجاح وسمعة معقولة لكن الساجا لسه تحت الإختبار

[sv065]

المسألة مش مجرد منافس عنيد وبس الأهم إن جودة خامات السيارة وسط الشبورة الجامدة اللي صحبت السيارات الصيني منذ ان دخلت مصر وخلت الكل يكره أي سيارة لمجرد إنها صيني قلبت موازين كتيرة

وقدرت فعلا تخللي الكل منبهر بها مع الكماليات العالية دي دون المساس بالجودة أو الإعتمادية

[ahmedaliamer]

أنا متأكد إن انتشار الصيني مسألة وقت مش أكتر وهانروح بعيد ليه شوفوا الهيونداي كانت الناس خايفة منها في التمانينيات لحد لما كسبت ثقة الناس ونجحت وانتشرت , الموضوع مالأخر موضوع كسب ثقة الناس ولو نجح وكيل أي عربية صيني في كسب الثقة مع نجاح العربية نفسها طبعا أكيد هتنافس

[mohamedhamam]

شكراً على الأخبار الجديدة